Unge & Rus er eit rusførebyggjande tiltak som fokuserer på dei haldningane og normene barn og unge har når det gjeld alkohol. Elevar, lærarar og foreldre/føresette er målgruppene for tiltaket. Sentrale pedagogiske verkemiddel er problembasert læring og bruk av informasjons- og kommunikasjonsteknologi (IKT).

Måla med Unge & Rus er i samarbeid mellom skole og heim

• å utvikle kunnskapar og evne til å tenkje kritisk om bruk av alkohol
• å styrkje haldningane mot bruk av alkohol
• å styrkje evna til å seie nei til rus
• å utsetje alkoholdebut

Dette kan hindre problemutvikling knytt til rus, og medverke til å hindre bruk av illegale rusmiddel.

Måla med lærardeltakinga er

• å styrkje den faktiske og opplevde kompetansen deira som verdiformidlarar
• å styrkje kontakten mellom heim og skole

Måla med foreldredeltakinga er

• å styrkje fellesskapet mellom foreldra
• å styrkje autoriteten deira til å setje grenser for barn som vil prøve ut rusmiddel
• å styrkje kompetansen til å snakke med barna om bruk av rusmiddel