Kvifor kan ikkje barn og unge drikke alkohol, når dei vaksne kan det?

Dei fleste vaksne i Noreg drikk alkohol. Det inneber at dei fleste barn og unge veks opp saman med foreldre som drikk alkohol. I ein del familiar er dette problematisk fordi foreldra  drikk så mykje at det er både skadeleg og uansvarleg, og ikkje minst at det går ut over barn og unge. Men dei fleste foreldre har eit avgrenset forbruk og opplever alkohol som ein positiv del av vaksenlivet, som regel saman med gode venner, på festa og feiringar. Det at vaksne har eit positivt forhold til alkohol, er ikkje eit argument for at barn og unge kan ha det same; det er eit argument for å vente til ein blir vaksen.

Det er fleire grunnar til at barn og unge ikkje skal drikke alkohol:

• Faren for helseskadar som følgje av alkohol er større.
• Faren for å bli avhengig er større.
• Faren for å bli full og gjere ting ein angrar på, er større.
• Aldersgrensa for å kjøpe alkohol er 18 år.

Det er derfor riktig av foreldre å nekte barn og unge å bruke alkohol, sjølv om dei drikk alkohol sjølv. Men det er også viktig at foreldre har eit medvite forhold til eigen alkoholbruk og eigen oppførsel overfor barn og unge.