Don guhte leat joavkojođiheaddji, galggat jođihit joavkku dán barggus. Du barggut joavkojođiheaddjin leat

• ovttasbargat oahpaheddjiin Nuorat & Gárrendilli-prográmma plánemiin ja čađahemiin
• dovdat Nuorat & Gárrendilli-prográmma ulbmiliid
• diehtit makkár bargobihtáid dii galgabehtet čoavdit
• fuolahit ahte bargobihtát juhkkojuvvojit joavkomiellahtuide
• jođihit joavkku digaštallamiid ja fuolahit ahte buohkat besset searvat
• doallat áigemeriid
• movttiidahttit joavkku gerget ”min oaivil”-bargobihtáin šihttojuvvon áigái
• čállit logga

Bargovuogit
Nuorat & Gárrendilli-prográmmas leat oktagaslaš bargobihtát, joavkobargobihtát ja ruovttubargobihtát. Joavkojođiheaddji ferte álo diehtit makkár bargobihtáiguin joavku galgá bargat. Dán dieđu oaččut du oahpaheaddjis. Bargobihtát galget čoahkkáigessojuvvot ovttas juohke beaivvi loahpageahčen.

Ovttasbargonjuolggadusat
Joavkojođiheaddji galgá fuolahit ahte joavku digaštallá mo ovttasbargu galgá doaibmat. Lea dehálaš ahte buohkat joavkkus servet joavkobargguide, ja ahte buot oaivilat bohtet ovdan!

Ovttasbargonjuolggadusaid ovdamearkkat:

• Daja iežat oaivila ja guldal earáid.
• Áigemeriid ferte doalahit.
• Buohkat fertejit searvat ja bargat nu bures go sáhttet.
• Bargobihtát galget juohkkit seamma olu buohkaide.
• Váttisvuođaid galgá čoavdit siskkáldasat joavkkus.
• Olmmoš sáhttá leat sierramielalaš almmá suhtadit.
• Juohke beaivvi bargu lea seamma dehálaš go loahppabuvtta.

Logga
Logga čállojuvvo juohke beaivvi! Loggii čállibehtet

• maid joavku lea bargan odne
• mo bargoárja lea leamaš
• lea go joavku váldán ovddasvástádusa
• lea go leamaš álki doalahit šiehtadusaid ja áigemeriid
• mii lea mannan bures
• mii ii leat mannan nu bures

Geavat áinnas iežat loggagirjji loggii.