Manne eai sáhte mánát ja nuorat juhkat alkohola go ollesolbmot sáhttet dahkat dan?

Eanaš ollesolbmot Norggas juhket alkohola. Dat mearkkaša ahte eanaš mánát ja nuorat bajásšaddet váhnemiiguin, geat juhket alkohola. Muhtun bearrašiin lea dát váttisvuohta go váhnemat juhket nu olu, ahte dat sihke lea vahátlaš ja fuolatmeahttun dahku, ja dasa lassin čuohcá dát mánáide ja nuoraide. Muhto eanaš váhnemat ráddjejit juhkama, ja sin mielas lea alkohola positiiva oassi ollesolbmoeallimis, dábálaččat ovttas eará buriid ustibiiguin, feasttain ja ávvudemiin. Dat ahte ollesolbmuin lea positiiva oktavuohta alkoholii ii leat ággan dasa, ahte mánáin ja nuorain maiddái galgá leat nu; lea baicce ágga vuordit dassái rávásmuvvá.

Leat moanat sivat manne mánát ja nuorat eai galggašii juhkat alkohola:

• Dearvvašvuođavahágiid várra lassána alkoholajuhkamiin.
• Alkoholii darváneami várra stuorru.
• Várra juhkaluvvat ja bargat juoidá man gáhtá, stuorru.
• Ahkerádjá oastit alkohola lea 18 jagi.

Danne lea dehálaš ahte váhnemat biehttalit mánáid ja nuoraid alkoholajuhkamis, vaikko ieža juhket alkohola. Muhto lea maiddái dehálaš ahte váhnemiin lea dihtomielalašvuohta iežaset alkoholajuhkama ektui ja iežaset láhttemii mánáid ja nuoraid hárrái.