Nuorat & Gárrendilli-prográmmas dii bargabehtet joavkkuin ja geavahehpet Interneahta aktiivvalaččat. Joavkkuid jođiha joavkojođiheaddji guhte oassálastá joavkojođiheaddjioahpaheapmái.

Nuorat & Gárrendilli-prográmmas leat iešguđetlágan temát, ja dii berrebehtet bargat temáiguin dan vuorus mo leat maŋŋálaga mearriduvvon. Dii dahkabehtet earret eará iskkademiid lagašbirrasis, oahppabehtet alkoholajuhkama vahátlaš váikkuhusaid birra, digaštallabehtet mo dii sáhttibehtet birget juhkamii bággehallama vuostá ja ráhkadehpet rollastohkosiid.

Dii bargabehtet maiddái Ohppiid oaiviliin, stuorát bargobihttá mas joavku vállje temá ja ovdanbuktinvuogi.

Olles Nuorat & Gárrendilli-prográmma bargguin lea dehálaš ahte buohkat ieža smihttet ja servet joavkku digaštallamiidda. Boađus šaddá buoremussan go joavku bures ovttasbargá!

 Nuorat & Gárrendilli-prográmmas leat guokte váhnenčoahkkima.