Nuorat & Gárrendilli-prográmma lea gárihuhttimirkoeastadeaddji doaibmabidju mas giddejuvvo fuomášupmi nuoraid guottuide ja norpmaide alkohola ektui. Oahppit, oahpaheaddjit ja váhnemat/fuolaheaddjit leat doaibmabiju ulbmiljoavkun. Dehálaš pedagogalaš gaskaoamit leat čoavddekeahtes gažaldatvuđot oahpahus ja diehtojuohkin- ja gulahallanteknologiija (IKT) geavaheapmi.

Nuorat & Gárrendilli-prográmma ulbmilat leat ovttas skuvllain ja ruovttuin

• ovdánahttit máhtu ja dáiddu jurddašit kritihkalaččat alkoholajuhkama birra
• nannet guottuid alkoholajuhkama birra
• nannet gálggaid biehttalit gárihuhttimirkkuid
• maŋidit vuosttaš alkoholamáistima

Dát sáhttá eastadit gárihuhttimirkkuide čadnon váttisvuođaid ja veahkehit eastadit lobihis gárihuhttimirkkuid geavaheami.

Oahpaheaddji searvama ulbmilat leat

• nannet oahpaheaddji árvogaskkusteaddji duohta ja vásihuvvon gealbbu
• nannet ruovttu ja skuvlla oktavuođa

Váhnemiid searvama ulbmilat leat

• nannet searvevuođa váhnemiid gaskkas
• nannet váhnemiid áktejumi bidjat meriid mánáid gárihuhttimirkogeahččaleapmái
• nannet váhnemiid gealbbu háleštit iežaset mánáiguin gárihuhttimirkogeavaheami birra